Perceptio quatenus est ratio, est argumentum. Sunt ergo argumenta locupletantia, nobilitantia, probantia, illustrantia, persuadentia, moventia, §~22. quorum aesthetica non solum poscit vim et efficaciam, M. §~515. sed etiam elegantiam, §~25. Pars cognitionis, in qua peculiaris detegitur elegantia, est figura, (schema.) Sunt ergo figurae 1) rerum et cogitationum, §~18, sententiae; 2) ordinis, §~19; 3) significationis, quo figurae dictionis, §~20. Figurarum sententiae tot, quot argumentorum, sunt genera.