In characteribus felicis aesthetici specialibus, e.g. oratoris, poetae, musici e.c. dudum desideriis huius requisiti satisfactum est arte rhetorica, poetica, musica, e.c. Quicquid de earum iucunditate, utilitate, necessitate disseri solet, paululum attollendo notiones in magis generalia potest ad artem aestheticam applicari, cuius haec praedicata tam late patent, ac laudes reliquarum simul sumtarum, §~68.