Quemadmodum Longinus artem sublimis bathous technen S.~II. adhuc vocat, qua ratione caelum profundum dicitur: ita idem adhuc consulit phoibazein tous logous in sublimibus S.~VIII. et in primam sublimium ingeniorum classem refert phoibastikas S.~XIII.
Ex eo autem bathos oppositum sublimi vel maxime vitium, §~217, significat ex usu loquendi frequentissimo, et Antilongini recentioris ars rependi ironica hunc satis fixit. Pari ratione quanquam de Phoebo et meteoris naturae loqui non turpiter in vere etiam sublimibus aliquando licet, §~126, tamen tumide frigideque meteora ubique, quasi deum ex machina, vocantes in subsidium, si quando tollere humo se plumbei audebant, eo rem deduxerunt, ut iam Longinus S.~III. ex usu loquendi, quo tales meteororum praecones, qualem §~202 vidimus, meteorologoi, immo meteorologein, dicebantur, sublimia meteoris opponat, et nunc Phoebus et Phoibologein in eundem vitiosum significatum venerit.