Recte Servius eundem Theocritum laudat ubique simplicem, personas addens in bucolicis esse rusticas et simplicitate gaudentes, §~213. scilicet a quibus nihil altum, nihil urbanum, nihil declamatorium. Virgilii figuras aliquas necessitate excusat. Falli tamen, qui ornatus omnes, figuras omnes ideo vitare iubent tenuibus proportionate cogitaturum, §~237. vel ipsum Theocriti probet exemplum, in quo sane, si quis unquam, positivum etiam ethos bukolikon, §~194. tuetur. Id. I.76: Hadu ha phona tas portios, hadu to pneuma,
Hadu de cho moschos geruetai, hadu de cha bous, Hadu de, k. t. l. et tamen habet ornatum, figuram, anaphoram. §§~343, 345. Quot idem plenus est comparationibus bene agrestibus, figuris tamen!