Silius Italicus iam auspicatur austerius Virgilio. §. 704.
<p>Ordiar arma, quibus caelo se gloria tollit</p>
<p>Aeneadum, patiturque ferox oenotria iura</p>
<p>Carthago.</p>
Initium, cui forte satur Horatius iam occlamet: Ohe! ampullas! Huic tamen satis naturalem colorem dixeris comparato cum principiis Claudiani de bello Gethico, quibus in ipso limine furtivae aurum pelliculae, tritus ille fucus, §. 626. illitus est:
<p>Intacti quum claustra freti coeuntibus aequor</p>
<p>Armatum scopulis audax irrumpere Argo</p>
<p>Oeteam Colchosque petens, propiore periclo,</p>
<p>Omnibus attonitis solus post numina Typhis</p>
<p>Incolumem tenui damno servasse carinam</p>
<p>Fertur et ancipitem montis vitasse ruinam,</p>
<p>Deceptoque vagae concursu rupis in altum</p>
<p>Victricem duxisse ratem.</p> e. c. usque ad v. 35.