Porro comparatio stricte dicta d) eventum factumque, singulare quodvis, illustrat a loco et tempore, per ideas socias eodem loco, eodem tempore perceptorum. §. 773, 742.
<p>O cives! cives! quaerenda pecunia primum est,</p>
<p>Virtus post nummos: haec Ianus summus ab imo</p>
<p>Prodocet, haec recinunt iuvenes dictata, senesque,</p>
<p>Laevo suspensi loculos tabulamque lacerto.</p>
<p>Solvitur acris hiems grata vice veris et Favoni,</p>
<p>Trahuntque siccas machinae carinas,</p>
<p>Ac neque iam stabulis gaudet pecus, aut arator igni,</p>
<p>Nec prata canis albicant pruinis.</p>
<p>Iam Cytherea choros ducit Venus, imminente luna,</p>
<p>Iunctaeque Nymphis Gratiae decentes</p>
<p>Alterno terram quatiunt pede, dum gravis Cyclopum</p>
<p>Vulcanus ardens urget officinas.</p>
<p>Nunc decet aut viridi nitidum caput impedire myrto,</p>
<p>Aut flore, terrae quem ferunt solutae.</p>
od. I. 4.