Comparatio possessoris et possessi dat illustrationem γ) possessoris a re possessa:
<p>Non illi imperium pelagi, saevumque tridentem</p>
<p>Sed mihi sorte datum. Tenet ille immania saxa,</p>
<p>Vestras, Eure, domos. Illa se iactet in aula</p>
<p>Aeolus, et clauso ventorum carcere regnet.</p>
145. δ) ducis, principis, imperantis, dei a subditis et personis, in illius potestate constitutis. §. 778. Horatius ad Augustum:
<p>Praesenti tibi maturos largimur honores,</p>
<p>Iurandasque tuum per numen ponimus aras,</p>
<p>Nil oriturum alias, nil ortum tale fatentes.</p>
<p>Sed tuus hoc populus sapiens et iustus in uno,</p>
<p>Te nostris ducibus, te Graiis anteferendo,</p>
<p>Caetera nequaquam simili ratione modoque</p>
<p>Aestumat.</p>
ep. II. 1. 20.