Neque generatim de triplici cogitationum charactere, quem nunc informamus, praeconcipienda est opinio, ac si per longiorem etiam meditationem aestheticam unus ex his character in omnibus pulcre cogitandis ac singulis debeat aequabiliter transcurrere: neque de tenui cogitandi genere, §~230. Opere in longo prout materiae necessario inaequales aliqualiter coniunguntur, ita habet illud et suam materiis proportionatam et apte haerentem cogitationum nunc anesin et remissionem, nunc epasin et elevationem, manente totius denominatione ab illo charactere, qui regnat et potior est. §~217.