In rebus magnitudine naturali conspicuis, generice maximis, specifice etiam maximorum mentionem in exemplis inieci, divinorum, ne forsan animos generice maximos sibi formaturus animo Polyphemos aliquos Enceladosve vel contemtores deorum Mezentios secum fabricetur, non eos vere magnos animorum, sed tumide superbos. Prima potius dignitatis positivae per sublimia lex est: humana quaecunque, vel specifice maxima, divinis subiicito, §~206. Regum timendorum in proprios greges,
Reges in ipsos imperium est Iovis, Clari giganteo triumpho, Cuncta supercilio moventis.