Maiores facultates inferiores, eaeque naturaliter tales, requiruntur in pulcre cogitaturo, §~29. Hae vero non solum esse simul cum superioribus naturaliter magnis possunt, M. §~649, sed ad eas etiam, ut conditio, sine qua non, requiruntur. M. §~637. Hinc est opinio praeiudicata; natura repugnare pulcritudinem ingenii severioribus intelligendi ratiocinandique dotibus, quatenus a natura connascuntur acceptae.