IV. An nunc humana ea parte locatus es in re, ut omnino possis exspectare mentis impetum incitationemque, sine qua nihil egregii, an eam definite inflammationem animi sentis, aut sperare conceditur, qualem et quantam, et intensive, et extensive, et protensive, datum tuum sumendumve thema poposcerit? S.~V. Iudicis officium est, ut res, ita tempora rerum Quaerere. Quaesito tempore tutus eris. Carmina secessum scribentis et otia poscunt, §~84. Me mare, me venti, me fera iactat hiems. Ov. trist. l.~1. Arma gravi numero violentaque bella parabam, Edere, materia conveniente modis. Par erat inferior versus. Risse Cupido, §~87. Dicitur, atque unum surripuisse pedem. Ov. Am. l.~1. Phoebus volentem proelia me loqui, Victas et urbes, increpuit lyra, §~82. Ne parva Tyrrhenum per aequor Vela darem. Hor. od. IV.~15.