Eadem autem haec argumenta augentia §~336 hoc cautius adhibenda sunt, quo certius mathematica cognitio rationis analogo Periculosae plenum opus aleae est, ne, vel phainomenois etiam, §~16, erres in calculo, quo facto ex iisdem fontibus et larga seges argumentorum deprimentium, §§~313-315, et meteororum, §~329.
Quorum nescio, an non Plato quaedam exempla dederit in metaphorica descriptione corporis humani, quam ex dialogo, qui Timaeus dicitur, partim Longinus suis inserit, et in qua iam circulationem sanguinis Plato docuisse perhibetur, cor dicens fontem tou peripheromenou sphodros haimatos kata panta ta mele. An sine tumore collum dicitur Isthmus inter arcem capitis et pectus? An errant, qui in comparatione reipublicae cum poculo, in quo deus furens per deum sobrium (aquam) castigatur, bathos, et manifestum, et crypticum, tumorem, deprehendere sibi videntur? §~310.