Interim non nisi absolutam levitatem in omni pulcre cogitaturo culpari volo. §§~355, 356. Potest aliquando pectus ingeniumque sane magnum, quantum Virgilii, Incolumi gravitate iocum tentare, potest idem ferri in comparative minus magna et digna, quae tamen absolute sint, §§~198, 201. hinc ab ipso auctore dicantur levia secundum §~179 interpretando.
Huc exordium mellificii, Georg. IV, 4: Admiranda tibi levium spectacula rerum, / Magnanimosque duces, totiusque ordine gentis / Mores, et studia, et populos, et proelia dicam.