In medio relinquamus, nunc aesthetici, statum animi in Demosthene, quem damnat Cicero, in quaest. tusc. V, 103, iam non populari quadam trutina, sed aurificis statera examinaturus, quae probet, §~250. quando: Leviculus sane noster, inquit, Demosthenes, qui illo susurro delectari se dicebat, aquam ferentis mulierculae, ut mos in Graecia est, insusurrantisque alteri: Hic est ille Demosthenes. Quid hoc levius? At quantus orator. Sed apud alios loqui videlicet didicerat, non multum ipse secum.