Haec materiarum dimensio eo magis necessaria est, §. 668. quia non invenies foecundiorem meteororum ac φάσματος caussam, ac nitoris studium in fucos et pigmenta desinens, §. 626, 627. praesertim in sublimibus, S. XXII. Quam primum occurrit malis inter poetas geometris silva, §. 203. pyrae cuidam construendae satis grandis, est illa subito;
<p>larga qua non opulentior umbrae</p>
<p>Argolicos inter saltusque educta Lycaeos</p>
<p>Extulerat super astra caput.</p> §. 322.
Quando caeditur, tantum est malum,
<p>Ut quum possessas avidis victoribus arces</p>
<p>Dux raptare dedit, vix signa audita, nec urbem</p>
<p>Invenias. Ducunt, sternunt, abiguntque, feruntque</p>
<p>Immodici. Minor ille fragor, quo bella geruntur.</p>
Stat. Theb. VI. 90-117.