Cautus lucis et umbrae dispensator pro virili perpendet 2) naturam suam ipse, qualem §. 150. descripsimus, dynamometria naturali, sed severa, §. 457. cum considerata secundum §. 667-677. materiae datae natura collatam. §. 666, 622. Si quam vix agnoscit rem, ut primum iuxta stetit,
<p>qualem primo quis surgere mense</p>
<p>Aut videt, aut vidisse putat per nubila lunam,</p>
Aen. VI. 454.
eam numquam sibi leget, nec audebit exornare quam non posset, nisi fucis, illinere §. 626. §. 648. Praesertim hoc sibi dictum putet;
Ad pugnam qui rhetorica descendit ab umbra.
Iuv. VII. 173.
et suae nonnunquam artis topicis, argumentis, figuris, flosculis, chriis, periodis, e. c. adeo confidit, ut quamcunque materiam sibi temere sumens, vel incidat in battologiam §. 639. notatam, vel in fucos umbratiles, §. 109.