Coniungit Ovidius naturalium moraliumque colores in enarrandis quatuor orbis, quas fingit, aetatibus, Met. I. Aetatis aureae statum florido quam maxime cogitandi genere prosecutus moralem v. 90-100. §. 594. transit ad naturalem iisdem floribus conspergendum:
<p>Per se dabat omnia tellus,</p>
<p>Ver erat aeternum, placidique tepentibus auris</p>
<p>Mulcebant Zephyri natos sine semine flores.</p>
<p>Flumina iam lactis, iam flumina nectaris ibant,</p>
<p>Flavaque de viridi stillabant ilice mella,</p> v. 112.