Idem generalibus suis assertis:
<p>saepius olim</p>
<p>Relligio peperit scelerosa atque impia facta,</p>
Tantum relligio potuit suadere malorum,
non species superstitionum innumeras includit exempli gratia, sed unum aliquod atrox factum:
<p>Aulide quo pacto Triviai virginis aram</p>
<p>Iphianassai turparunt sanguine foede</p>
<p>Ductores Danaum delecti,</p> e. c.
Nec Homerus subsistit in enarrandis navium Troiam petentium aliquibus speciebus singularum in enumerationem descendens. Virgilius sibi non satisfacit generali quadam distributione per Italiam bellum Aeneae parantium:
<p>Ardet inexcita Ausonia atque immobilis ante.</p>
<p>Pars pedes ire parat campis, pars arduus altis</p>
<p>Pulverulentus equis furit; omnes arma requirunt.</p>
<p>Pars laeves clipeos et spicula lucida tergent</p>
<p>Arvina pingui, subiguntque in cote secures,</p>
<p>Signaque ferre iuvat sonitusque audire tubarum.</p>
VII. 628. Sed progreditur descendendo ad singularia, v. 630-817.