Comparatio strictius dicta est b) signi et signati, §. 773. Unde illustratio α) signi ex signato. Signa mortem Caesaris portendentia descripserat Virgilius Georg. I. 464-488, et illustrat ex signato, secundum verisimilitudinem aestheticam:
<p>Ergo inter sese paribus concurrere telis</p>
<p>Romanas acies iterum videre Philippi,</p>
<p>Nec fuit indignum superis, bis sanguine nostro</p>
<p>Emathiam et latos Haemi pinguescere campos.</p>
Addit statim illustrationem poeta huius β) signati ex signo iam rememorativo s. mnemonico, tunc futuro:
<p>Scilicet et tempus veniet, quum finibus illis</p>
<p>Agricola, incurvo terram molitus aratro,</p>
<p>Exesa inveniet scabra rubigine pila,</p>
<p>Aut gravibus rastris galeas pulsabit inanes</p>
<p>Grandiaque effossis mirabitur ossa sepulcris.</p>