Synecdoche adscendens §. 786. erit elegans substitutio 1) totius pro parte, §. 780, 743. Plautus ulmorum Acheronta per iocum dicit servum vimeis saepe virgis vapulantem.
Serviet aeternum, qui parvo nesciet uti.
Hor. Vel ipsa scilicet aeviternitas pars tantum aeternitatis est. Virgilius aliquando elephantum pro ebore, dente elephanti, ponit. §. 753. 2) superioris pro inferiori, §. 744. Huc εὐφημισμοί, quibus ad mortem pertinentia circumscribebant huius non lubenter memores: si quid illi gravius acciderit, e. c. pro consolatione lugentium:
<p>Paullum quidlibet alloquutionis</p>
<p>Moestius lacrumis Simonideis,</p>
Cat. quibus Venerea solebant obumbrare.
Tibi ultro supplicatum advenio ob stultitiam meam.
Plaut. (stuprum illatum filiae).