Synecdoche descendens, §. 786. est venusta substitutio 1) partis pro toto, §. 746.
<p>Plotius et Varius Sinuessae, Virgiliusque</p>
<p>Occurrunt, animae, quales neque candidiores</p>
<p>Terra tulit, neque queis me sit devinctior alter.</p>
Hor. I. sat. V.
<p>Sic forsan tener ausus est Catullus</p>
<p>Magno mittere passerem Maroni.</p>
Mart. IIII. ep. 14. (poema de passere pro toto libro, quo continetur.) 2) inferioris pro superiori perceptione, §. 749.
<p>Nullo fata loco possis excludere, quum mors</p>
<p>Venerit, in medio Tibure Sardinia est.</p>
Mart. 60. Illud pro saluberrimo, haec pro loco, qui pestilens habebatur, est posita.