Licet itaque non fucatae, sed Gratiis litanti, sapientiae, neque rudes tantum et agrestes, sed hominum, animos admiratione mulcere, §. 808. Ne tamen novitatis studio nimium abripiamur, hae cautelae sunto. 1) Novitatem obiecti et materiae cum novitate rerum et cogitationum ne temere confundas, §. 18. Haec in primis quaeritur, non illa, §. 808. De novis nova meditari non nego facilius, neque gratiam novitati materiae denego, nec lucem. Interim de antiquissimis non solum, sed etiam de dudum cognitis, animo tamen volvere potest
<p>carmina non prius</p>
<p>Audita Musarum sacerdos</p>
non usitata nec tenui laturus penna per aetherem; potest de recentissimis negotiis, dum calent,
<p>indoctus in triviis</p>
<p>Stridenti miserum stipula disperdere carmen.</p>