Decima sexta claudit agmen quaestio:
An fabula heroica, praeter verisimilitudinem sibi cum aliis fabulis communem, hanc sibi propriam servat strenue,
qua persona herois praecipui semper eadem sibi constet, et una,
areten quidem et aliquam remissionem aliquando passa,
sublimis tamen vel in eo, ut sponte colligatur et elevetur denuo pristinum et eximium in decus, S. XXI. XXVI. §§~433, 538.
Aeneas Cartagine videbatur ipsi Iovi exspectans,
Quem nulla accendit magnarum gloria rerum, / Nec super ipse sua molitur laude laborem,
tamen haud ita multo post adeo soporem ipse denuo suis excusserat oculis,
ut magnifice, neque tamen magniloquentiae, crimen incurrens, hortari posset Ascanium l. XII. 435:
Disce, puer, virtutem ex me verumque laborem / Fortunam ex aliis.
Te pater Aeneas et avunculus excitet Hector.