Austeram iungamus ex Ovidio descriptionem Boreae sibi coniugem rapientis, Met. VI. 702.
<p>Excussit pennas, quarum iactatibus omnis</p>
<p>Afflata est tellus, latumque perhorruit aequor,</p>
<p>Pulvereamque trahens per summa cacumina</p>
<p>pallam</p>
<p>Verrit humum, pavidamque metu, caligine</p>
<p>tectus,</p>
<p>Orithyian amans fulvis amplectitur alis.</p>
Floridam Aeneae descriptionem aliam v. §. 662. Utrumque coloris genus quasi e longinquo, qua solet, brevitate Tacitus ostendit, quando narrat Pharasmanem simul horridam suorum aciem, picta auro Medorum agmina, hinc viros, inde praedam, ostendere, Ann. VI. 34.