Videamus insigne exemplum in Horatii III. oda 24. ubi 1) luxuriam, uti primum apparet, genere cogitandi florido describens:
<p>Intactis opulentior</p>
<p>Thesauris Arabum et divitis Indiae</p>
<p>Caementis licet occupes</p>
<p>Tyrrhenum omne tuis et mare Apulicum;</p>
statim subausterus verum huius vitii statum interiorem pingit:
<p>Si figit adamantinos</p>
<p>Summis verticibus dira Necessitas</p>
<p>Clavos: non animum metu,</p>
<p>Non mortis laqueis expedias caput.</p>
Pergit eadem austeritate morum magis innocentium externum habitum primo apparentem horridius describere, v. 8-28. redit adhuc horridulus ad interiorem luxuriae deformitatem sistendam ob oculos, v. 29-44.