Si quis in Aristippi praecepta delapsus est, proptereaque virtutem et morum institutionem omnem fucis nimium floridis exprimit, §. 704. ex huius officina
Virtutis verae custos rigidusque satelles,
in concreto etiam, et individuo singulari spectandus, §. 710. prodibit comtulus, venustulus, delicatulus, purpuram indutus, rosis coronatus, pastillos olens, uti bibit Hymettia mella Falerno diluta,
<p>inter lances mensasque nitentes,</p>
<p>Dum stupet insanis acies fulgoribus, et quum</p>
<p>Acclinis falsis animus meliora recusat.</p> Hor. Serm. II. 2. 4.