Quos regulae nimis laxae nondum satis a vero rerum colore deflectunt in fucos, horum multos eo contorquet caeca imitatio. Sentiunt amari probarique, licet horridulas, Catonis alicuius orationes. Cic. de Or. 152. et ecce! quoties placere volunt, ut subito horrescant! §. 704.
<p>Quid? si quis vultu torvo ferus, et pede nudo,</p>
<p>Exiguaeque togae simulet textore Catonem,</p>
<p>Virtutemne repraesentet moresque Catonis?</p>
<p>Decipit exemplar vitiis imitabile,</p> Hor. I. ep. 19. 12.
Sentiunt alii delectari non paucos floribus poetarum et Curtii; Hinc tunc demum se disertos putant, quando quibuscunque datis occasionibus efflorescendo lasciviunt. §. 254.
<p>O! imitatores, servum pecus! ut mihi saepe</p>
<p>Bilem, saepe iocum vestri movere tumultus!</p>