Comparatio adscendens est a) si partem et varium aliquod certi totius ex eiusdem toto reddamus illustrius. Virgilius Georg. I. in primis coloni regulis legit, praediscere:
<p>patrios cultusque habitusque locorum,</p>
<p>Et quid quaeque ferat regio, quid quaeque recuset.</p>
Quoniam de cultu et habitu unius loci loquitur, quem unus aliquis avarus agricola, v. 46. possideat, minutulam telluris partem habet subiectum comparationis, quid per huius patrios cultus et habitus praediscendos intelligat, illustraturus terminum comparationis sibi sumit, huius agri totum, omnem tellurem, per quam ubique
<p>Hic segetes, illic veniunt felicius uvae,</p>
<p>Arborei foetus alibi, atque iniussa virescunt</p>
<p>Gramina.</p>
<p>Continuo has leges aeternaque foedera certis</p>
<p>Imposuit natura locis, quo tempore primum</p>
<p>Deucalion vacuum lapides iactavit in orbem.</p>