Virgilium euntem per partes clipei, quem Aeneae mater donabat, iam vidimus. §. 459. Catullum c. 63. ubi partitur:
<p>Vestem, quae priscis hominum variata figuris</p>
<p>Heroum mira virtutes indicat arte,</p>
sequatur, qui volet, a v. 52-265. ubi tamen Talibus pergens, non his, indicat se partitionem nondum absolvisse, §. 747. Suppartitionem aliquam, ut cum schola barbare loquar, excerpamus:
<p>At parte ex alia florens volitabat Iacchus,</p>
<p>Cum thiaso Satyrorum et Nysigenis Silenis,</p>
<p>Te quaerens, Ariadna, tuoque incensus amore.</p>
<p>Qui tum alacres passim lymphata mente furebant,</p>
<p>Euoe bacchantes, euoe capita inflectentes.</p>
<p>Horum pars tecta quatiebant cuspide thyrsos,</p>
<p>Pars e divulso iactabant membra iuvenco,</p>
<p>Pars sese tortis serpentibus incingebant,</p>
<p>Pars obscura cavis celebrabant orgia cistis,</p>
<p>Orgia, quae frustra cupiunt audire profani.</p>
<p>Plangebant alii proceris tympana palmis,</p>
<p>Aut tereti tenues tinnitus aere ciebant,</p>
<p>Multi raucisonis efflabant cornua bombis,</p> e. c.
Confer Ovidii descriptionem regiae solis, Met. II. 5-18, et Corynnae cum suo:
Singula quid referam?
inchoatam potius, quam omnibus partibus absolutam explicite.