Comparatio latius dicta, §. 735. sub se continet 3) comparationem oppositorum, M. §. 549. quae figura §. 26. sit ANTITHESIS. In antithesibus numero primam dissimilitudinem, illustrandum cum dissimili comparantem, ut illius ab hoc differentia magis eluceat. Cat. 5.
<p>Soles occidere et redire possunt,</p>
<p>Nobis quum semel occidit brevis lux,</p>
<p>Nox est perpetuo una dormienda.</p>
Hac collatione totam suam odam I. 1. 1. Horatius illustravit, et eiusdem libri frontem ode 7.
<p>Laudabunt alii claram Rhodon, aut Mitylenen,</p>
<p>Aut Ephesum bimarive Corinthi</p>
<p>Moenia, vel Baccho Thebas, vel Apolline Delphos</p>
<p>Insignes, aut Thessala Tempe.</p>