Deinde huc pertinet ANTAGOGE, quam compensationem dicunt, confessionis species, quae collustrandi quaedam praedicata, quae primario videantur contraria, sic in umbram locat, iuxta hoc primarium, ut eorum perceptiones heterogeneae, sed debiliores, praegressae subito sequens heterogeneum, sed maius ac illustrius, splendide pingant, et novitatis luce veluti circumfundant. §. 659, 683. M. §. 549. Jarbas apud Virgilium, Aen. IIII. furtivos Didonis et Aeneae amores primum satis honorifice videtur describere, tegens honestatis umbra, quicquid in iis indignum et turpe iudicabat: Dido
dominum Aenean in regna recepit,
214. ut non ita multo post hoc acerbius in eundem Aenean, collectis quasi viribus, invehatur:
<p>Et nunc ille Paris, cum semiviro comitatu,</p>
<p>Maeonia mentum mitra, crinemque madentem</p>
<p>Subnexus, rapto potitur.</p>
217.